अथर्ववेद से लिया गया जिसमे दस ऋचाएं संकलिक है ऐसे महा गणपति श्लोक को श्री गणपति अथर्वशीर्ष स्तोत्र पाठ (Shree Ganesh Atharvashirsha Lyrics) कहा जाता है, इसको पढने मात्र से निर्धन की कमी दूर हो जाती है, शक्तिहीन शक्तिशाली हो जाता है, और बुद्धिहीन बुद्धिमान हो जाता है। गणेश अथर्वशीर्ष पाठ के लाभ अनेक है इसका नित्य पाठ करने वाला मनुष्य कभी दीन और दुखी नहीं होता तो आइये स्मरण करें :-
अथर्व वेदीय शान्ति पाठ
।। श्री गणेशाय नमः ।।
ॐ भद्रं कर्णेभिः शृणुयाम देवाः ।
भद्रं पश्येमाक्षभिर्यजत्राः ।।
स्थिरैरंगैस्तुष्टु- वांसस्तनूभिः ।
व्यशेम देवहितं यदायः ।। 1 ।।
ॐ स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ।।
स्वस्तिनस्ताक्षर्यो अरिष्टनेमिः ।
स्वस्ति नो बृहस्पतिर्दधातु ।। 2।।
ॐ शान्तिः ! शान्तिः !! शान्तिः !!!
ॐ नमस्ते गणपतये।
त्वमेव प्रत्यक्षं तत्त्वमसि।
त्वमेव केवलं कर्ताऽसि।
त्वमेव केवलं धर्ताऽसि।
त्वमेव केवलं हर्ताऽसि।
त्वमेव सर्वं खल्विदं ब्रह्मासि।
त्वं साक्षादात्माऽसि नित्यम् ॥1॥
ऋतं वच्मि। सत्यं वच्मि॥२॥
अव त्वं माम्। अव वक्तारम्।
अव श्रोतारम्। अव दातारम्।
अव धातारम्। अवानूचानमव शिष्यम्।
अव पश्चात्तात्। अव पुरस्तात्।
अवोत्तरात्तात्। अव दक्षिणात्तात्।
अव चोर्ध्वात्तात्। अवाधरात्तात्।
सर्वतो मां पाहि पाहि समन्तात्॥3॥
त्वं वाङ्मयस्त्वं चिन्मयः।
त्वमानन्दमयस्त्वं ब्रह्ममयः।
त्वं सच्चिदानन्दाऽद्वितीयोऽसि।
त्वं प्रत्यक्षं ब्रह्मासि।
त्वं ज्ञानमयो विज्ञानमयोऽसि॥4॥
सर्वं जगदिदं त्वत्तो जायते।
सर्वं जगदिदं त्वत्तस्तिष्ठति।
सर्वं जगदिदं त्वयि लयमेष्यति।
सर्वं जगदिदं त्वयि प्रत्येति।
त्वं भूमिरापोऽनलोऽनिलो नभः।
त्वं चत्वारि वाक् पदानि॥5॥
त्वं गुणत्रयातीतः।
त्वं अवस्थात्रयातीतः।
त्वं देहत्रयातीतः।
त्वं कालत्रयातीतः।
त्वं मूलाधारस्थितोऽसि नित्यम्।
त्वं शक्तित्रयात्मकः।
त्वां योगिनो ध्यायन्ति नित्यम्।
त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं।
वायुस्त्वं सूर्यस्त्वं चन्द्रमास्त्वं ब्रह्म भूर्भुवस्सुवरोम्॥6॥
गणादिं पूर्वमुच्चार्य वर्णादींस्तदनन्तरम्।
अनुस्वारः परतरः। अर्धेन्दुलसितम्।
तारेण ऋद्धम् । एतत्तव मनुस्वरूपम्।
गकारः पूर्वरूपम्। अकारो मध्यरूपम्।
अनुस्वारश्चान्त्यरूपम्। बिन्दुरुत्तररूपम्।
नादः सन्धानम्। संहिता संधिः।
सैषा गणेशविद्या। गणक ऋषिः।
निचृद्गायत्रीच्छन्दः। गणपतिर्देवता।
ॐ गं गणपतये नमः॥7॥
एकदन्ताय विद्महे वक्रतुण्डाय धीमहि।
तन्नो दन्तिः प्रचोदयात्॥8॥
एकदन्तं चतुर्हस्तं पाशमङ्कुशधारिणम्।
रदं च वरदं हस्तैर्बिभ्राणं मूषकध्वजम्॥
रक्तं लम्बोदरं शूर्पकर्णकं रक्तवाससम्।
रक्तगन्धानुलिप्ताङ्गं रक्तपुष्पैस्सुपूजितम्॥
भक्तानुकम्पिनं देवं जगत्कारणमच्युतम्।
आविर्भूतं च सृष्ट्यादौ प्रकृतेः पुरुषात्परम्।
एवं ध्यायति यो नित्यं स योगी योगिनां वरः॥9॥
नमो व्रातपतये।
नमो गणपतये।
नमः प्रमथपतये।
नमस्तेऽस्तु लम्बोदरायैकदन्ताय
विघ्ननाशिने शिवसुताय वरदमूर्तये नमः॥10॥
एतदथर्वशीर्ष योऽधीते ।।
स ब्रह्मभूयाय कल्पते ।।
स सर्व विघ्नैर्नबाध्यते ।।
स सर्वतः सुखमेधते ।।
स पञ्चमहापापात्प्रमुच्यते ।। 11 ।।
सायमधीयानो दिवसकृतं पापनाशयति ।।
प्रातरधीयानो रात्रिकृतं पापं नाशयति ।।
सायंप्रातः प्रयुंजानो ऽपापो भवति ।।
सर्वत्राधीयानोऽपविघ्नो भवति ।।
धर्मार्थकाममोक्षं च विंदति ॥ 12 ॥
इदमथर्वशीर्षमशिष्याय न देयम् ॥
योयदिमोहाद्दास्यतिसपापीयान्भवति ।
सहस्त्रावर्तनात् यं यं काममधीते ।
तं तमनेन साधयेत् ।।13।।
अनेन गणपतिमभिषिंचति
स वाग्मी भवति ।।
चतुर्थ्यामनश्नन् जपति
स विद्यावान् भवति ।।
इत्यथ- र्वणवाक्यं ।।
ब्रह्माद्यावरणं विद्यात् ।
न बिभेति कदाचनेति ॥ 14 ।।
योदूर्वांकुरेंर्यजति स वैश्रवणोपमोभवति ॥
यो लाजैर्यजति स यशोवान् भवति ।
स मेधावान भवति।।
यो मोदक सहस्त्रेण यजति।
स वाञ्छित फलमवाप्नोति ॥
यः साज्यसमिभ्दिर्यजति।
स सर्वं लभते स सर्वं लभते ।। 15 ॥
अष्टौ ब्राह्मणान् सम्यग्ग्राहयित्वा ॥
सूर्यवर्चस्वी भवति ॥
सूर्यगृहे महानद्यां प्रतिमासंनिधौ ॥
वा जप्त्वा सिद्धमंत्रो भवति ॥
महाविघ्नात्प्रमुच्यते ।।
महादोषात्प्रमुच्यते ।।
महापापात् प्रमुच्यते ।।
स सर्वविद्भवति स सर्वविद्भवति ।।
य एव वेद इत्युपनिषद् ।। 16 ।।
!! शांति पाठ !!
ॐ सहनाववतु ।। सहनौभुनक्तु ।।
सह वीर्यं करवावहै ।।
तेजस्विनावधीतमस्तु ।।
मा विद्धिषावहै ।।
ॐ भद्रं कर्णेभिः श्रृणुयाम देवाः ।।
भद्रं पश्येमाक्षभिर्यजत्राः ।।
स्थिरैरङ्गैस्तुष्टुवां सस्तनूभिः ।।
व्यशेमद्धिवेहितं यदायुः ।।
ॐ स्वस्ति न इन्द्रो वृद्धश्रवाः ॥
स्वस्ति न पूषा विश्ववेदाः ।।
स्वस्तिनस्तार्थ्यो अरिष्टनेमिः ।।
स्वस्ति नो बृहस्पतिर्दधातु ।। 2 ।।
ॐ शांतिः ! शांतिः !! शांतिः !!!
।। इति श्रीगणपति अथर्वशीर्ष समाप्तम् ।।
इसे भी पढ़ें – लक्ष्मी प्राप्त करने के लिए गणेश स्तोत्र (Lakshmi Ganesh Stotra)
FAQ – गणपति अथर्वशीर्ष स्तोत्र पाठ (Shree Ganesh Atharvashirsha Lyrics)
गणपति अथर्वशीर्ष स्तोत्र के प्रारंभ में शांति पाठ आवश्यक है ?
जी हाँ क्यूंकि यह सम्पूर्ण ही तभी मन जाता है जब पाठ को पूर्ण रूप से पढ़ा जाये
गणपति अथर्वशीर्ष पाठ के रचयिता कौन है
गणपति अथर्वशीर्ष पाठ को अथर्ववेद से लिया गया है जिसको स्तोत्रावली में महर्षि वेदव्यास जी रचित किया जिसका वर्णन गणेश पूरण में आपको पढने मिलेगा
गणेश अथर्वशीर्ष का पाठ हिंदी में अर्थ सहित
गणेश अथर्वशीर्ष का पाठ हिंदी में हमने लेख में अंकित किया आप यहाँ पढ़ सकते है
भगवानम डॉट कॉम पर हमने आपके लिए कुछ नए भाग भी जोडें है जिससे आपको और भी अन्य जानकारियां प्राप्त होती रहे जैसे | पौराणिक कथाएं | भजन संध्या | आरती संग्रह | व्रत कथाएं | चालीसा संग्रह | मंत्र संग्रह | मंदिर संग्रह | ब्लॉग | इन्हें भी पढ़ें और अपने विचार हमें कमेंट में बताये जिससे हम समय पर अपडेट करते रहे। हमसे जुड़ने के लिए फॉलो करें यू ट्यूब चेनल, इन्स्टाग्राम और फेसबुक से।
